- وش الجديد ! -

من طرف غلا الروح الجمعة 10 أبريل 2009, 2:34 am

[size=9]

يا أنا ..

وش الجديد ؟

منكسر خاطرْك واحساسك غريب ! وغربته منه وفيه ..

ضايقه فيك الوسيعه .. وما انت قادر تكتب احساسك قصيد ..

تفتح الدفتر .. وتجمع مابقى من اول وآخر جروحك

وتجمع انفاسك وتكتب :

مـن هنـا كانـت بدايـات الحـزن
.. ورده .. وضيقه .. وتلويحة جفا !

من هنـا تتشكـل عيونـك مـزن
ويتساقط .. ما بقى بك من .. وفا !

وتختنق فجأه .. وتسكت

تقلب الصحفه .. وتشعر بان بياض سطورها كنه بياضك !

تستحي يتشوّه الطهر بجنونك !

ترمي عيونك عليها .. حيره وتفكير واعجاب و تمّعن :

تكتشف بان الطهر في الوقت هذا ما يفيد !

وتقول بكتب ..

واتـّساقط فوقها .. ضيق وتناهيد وحبر ..

كنك تدوّر لحزنك داخل الصفحه قبر !

اتخيّر في سماها الصافيه ..

عن عريس .. وفارس احلام .. العروس : القافيه !

عن مكان يليق باحساسك .. الليله

.. ويرضي لك غرورك ..

وصعب تلقى لك مكان يناسب حروف انهيارك

[size=9]وانكسارك لان اصلا ً ضيقتك واحساسك وثورة شعورك :

كلها ..

ما كانت بيوم اختيارك !

يا أنا ..

وش الجديد ؟

لا بقيت الليله لحالك ..

ولا حولك احد

.. يفهم اللي ما عرفت تقوله ..

وياصل اللي ما قدرت تطوله !!

ما انت كنت البارح لحالك وفي نفس الشعور !

وبكره

.. ان ربي عطانا عقل واحساس وعمر !

بنفس هالموقف .. تمر !

صح معاك كثير ..

وحولك اكثر منهم بكثير ..

ومن يبي يوصلك اكثر من ( كثير ) كثير !

بس صدقني رغم ذلك :

بكره بتجلس هنا .. لحالك ..

منكسر خاطرْك واحساسك غريب ! وغربته منه وفيه ..

ضايقه فيك الوسيعه .. وما انت قادر تكتب احساسك قصيد ..

وتسائل ليه انا الليله وحيد ؟

وتفتح الدفتر .. وتسأل نفسك بنفسك :

اكتب اول

ولا ّ اكتب

آخر جروحي وبوحي ..

واتـّراجع !!

ليه اكتب ؟

دامها نفس الحكايه ..

.. ضيقتي / حزني / همومي

وحدتي ..

.. احساسي المتعب و لومي

كلها

روتين يومي !

يا أنا

من البدايه ..

قلت لك .. وش الجديد ؟

للمبدع : محمد جآرالله السهلي

[/size][/size]

من طرف **vipfofo** السبت 25 أبريل 2009, 5:41 am

يسلمو على الطرح النايس

- وش الجديد ! -

- وش الجديد ! -

رد: - وش الجديد ! -