تذكـــــــــرني

أدري بك نعم أدري
ولا يحتــــاج تعلمني
اذا قصـــــدك تعذبنـي
تمادى وأجرح أحساسي

تذكر لو قسى قلــــــبك
ترى طبع البشر حساس
تشوفني أعيش بين الناس
هم أهلــــــي مــــع ناســــي

تكلم قول صارحني
قل لي وش تبي مني
بسوالف حلوة شوقني
وأحطك تاج على راسي

كلام معسول سمعني
عن حـــبك يطمنـــــي
زيدني شوق ولوعنـي
غرامك داخلي راســـي

أنا الغلطان وأستاهل
أحب مثلك واحد جاهل
أعاتب نفسي وأتنــــازل
تذكرنــــي اذا نـــــــــاسي

أحبك دوم على لساني
ولاحبيت أحــد ثانـــــي
تشوف نفسك وتنسانــي
غريبه طــــبعك القاســـي

بعد هذا تراك مسمـوح
تفضل ياحبيب الــــروح
أقولها وقلبي فيك مجروح
ياأعذب كلمـــه بأحساســــي

أوعدك ماتشوف زولي
ولاتسمع أبد صوتـــــــي
مادام أنك علي قاســــــي
تمادى وأجرح أحساســــي